لونا العزيزة ضيفة كرسي الاعتراف

هلو اعضاء الساتي الاحباء
اليوم افتتحنا قسم جديد وهو (كرسي الاعتراف)
وطبعآ شفتو القوانين
ويضم هذا القسم
موضوع مداولة التعارف مع الاعضاء المستضافين على كرسي الاعترلف

وطرح الاسئلة على ضيفنا في القسم ,
كما ادعوكم اليوم ان تشاركوني ترحيبي اولا ثم طرح الاسئلة على (نائبة المدير ) العزيزة لونا هي ضيفة كرسي الاعتراف
فأهلا وسهلا بكِ عزيزتنا لونا

هاي لونا تحياتنا لكي
سؤالي لكي هو

عرفي هويتكِ الشخصية ؟؟

تحياتي مع الود غاليتي

†♥♫ نورا ♫♥†; توقيع العضو

اولآ تحياتي لكِ ولكل من ساهم بأختياري ضيفة على كرسي الاعتراف
هاي لونا تحياتنا لكي
سؤالي لكي هو
عرفي هويتكِ الشخصية ؟؟

هويتي الشخصية.........
الاسم لونا الساتي
من مواليد الموصل 30/9/1990
السكن حاليآ شمال العراق
طالبة في المرحلة الثانوية
اتمنى ان اكون قد وفيتكِ بتعريف الهوية غاليتي نورا

(ܠܗܢܐ ܐܠܣܐܬܝ)LONA; توقيع العضو

مشكووررة عزيزتي لونا

قريبا ساوافيكي بالاسئلة

yona; توقيع العضو

هلا بالعزيزه لونا في ضيافة كرسي الاعتراف ارجو ان تتوفقي
بالاجابات وتمتعينا بالمعلومات والافكار.والاجابات ,,
كونكي نائبة المدير :
#ماهي نظرتك لتطوير هذا المنتدى ؟
#هل تعتقدين ان موقعنا من المواقع الناجحه وماهو مقياس النجاح في راييك
#هل تقرائين في موقعنا المواضيع المنقوله والمنسوخه من المواقع الاخرى
#اي من المواضيع برايك اكثر اقبالا عليها في الساتي تو يو
وهل لديك فكره للموازنه بين المواضيع والمنتديات؟؟
شكرا لسعة قلبك وليحفظك وعائلتك جمعا الرب يسوع اتمنى لكم السعاده الدائمة

ÙƒÙˆÙ…Ø§Ø± Ø§Ù„Ø³Ø§ØªÙŠ; توقيع العضو

هلا بيك عزيزي كومار الورد

كونكي نائبة المدير :
اي نائبة والبركة بيكم عزيزي

#ماهي نظرتك لتطوير هذا المنتدى
نظرتي لتطوير المنتدى متفائلة ومتأملة المزيد من التطور لأن دا نتعب كلنا كا طاقم الادارة وكا اعضاء ايظآ

#هل تعتقدين ان موقعنا من المواقع الناجحه وماهو مقياس النجاح في
انا كلش اعتقد انه موقعنا من المواقع الناجحة لأن يحمل شعار كلش حلو وهو

(ملتقى الاصدقاء في العراق والعالم)
واقيس نجاحه من حضور الاعضاء الموقرين بيه

#هل تقرائين في موقعنا المواضيع المنقوله والمنسوخه من المواقع
انا قليل ما يصادفي ان اقراء مواضيع منقولة او منسوخة وهذا دليل على رقي اعضائنا

اي من المواضيع برايك اكثر اقبالا عليها في الساتي تو يو
وهل لديك فكره للموازنه بين المواضيع
اعتقد المواضيع الي تخص الدين المسيحي
واعتقد الموازنة مهمة بين المواضيع والمنتديات

شكرآ لك عزيزي كومار اتشرفت بدخولك للموضوع
واتمنى ان تكون اجاباتي خفيفة

(ܠܗܢܐ ܐܠܣܐܬܝ)LONA; توقيع العضو

يا هلا وميت هلا بلونا نورتي الكرسي يا وردة
انشالله ترتاحين بل كرسي

لونا العزيزة ضيفة كرسي الاعتراف 7ef8f96153ad1cb377cef6c0722d8bc9

1_ اشكد طول شعرج ؟؟؟

2_ من هو مطربكِي المفضل من ناحيه الاغاني العراقيه

3_ ما هو اكثر شيء او صفه تفضلها لونا في فتى الاحلام وما هي اكثر صفه تتمنى عدم تواجدها في فتى الاحلام؟؟

4_ ما هو تحصيلكِي الدراسي؟

5_ هل انتِي من النوع الغيورة؟ وان كنتِي كذلك فما مدى تاثير الغيره على حياتكِي؟]
[6- شنو الشي الي ممسويتيه لحد الان و تتمنين تسويه ؟

7- الى ماذا تشتااق لونا في حياتها ؟

8-عن الاعضاء
عضو مميز ؟
عضو مواضيعه كلش تعجبج؟
عضو تحسيه قريب منج هوايه؟
عضو دلوع؟
عضو متكبر؟
عضومرح؟
عضو مثقف؟
عضو حباب ؟
عضو تضوجين منه؟
عضو حزين دائما ؟
9-اكو شخص تكرههاحلى لونا واذا اكو شنو السبب؟
10_ احلى اسم مستعار بل منتدى

تحياتي الج يا وردة
دنووووووو

Aşkım; توقيع العضو

يلة لونا شدي حيلج على هل اسئلة القوية والحللووةة
عاشت ايديك عزيزي Aşkım

yona; توقيع العضو

مشكورة لونا الغالية على اجوبتج الرائعة
مشكورين اعضاءنا الغالين منورين بأسئلتكم الرائعة

تحياتي لجميع بتوفيق

نورا الساتي

†♥♫ نورا ♫♥†; توقيع العضو

يا هلا وميت هلا بلونا نورتي الكرسي يا وردة
انشالله ترتاحين بل كرسي

هلا بيك كلش مريح الكرسي وانشاالله الدور جاي عليك

1_ اشكد طول شعرج ؟؟؟
اهووووو كلش طويل ههههههههه

2_ من هو مطربكِي المفضل من ناحيه الاغاني العراقيه
القيصر كاظم الساهر وبس

3_ ما هو اكثر شيء او صفه تفضلها لونا في فتى الاحلام وما هي اكثر صفه تتمنى عدم تواجدها في فتى الاحلام؟؟
اكثر صفة احبها ان يكون انسان قريب من الكنيسة ومؤمن ويقدر معنى الارتباط
واكثر صفة اكرها هي التسلط

4_ ما هو تحصيلكِي الدراسي؟
حاليآ طالبة

5_ هل انتِي من النوع الغيورة؟ وان كنتِي كذلك فما مدى تاثير الغيره على حياتكِي؟]
ابد مو غيورة ولا احس ان الغيرة عدها مدى او اي تأثير بحياتي

[6- شنو الشي الي ممسويتيه لحد الان و تتمنين تسويه ؟
ما مسافرة لحد الان واتمنى ان اسافر بس ارجع للعراق الحبيب

7- الى ماذا تشتااق لونا في حياتها ؟
الى هوايا شغلات اشتاق بس اهمها اشتاق لمدينتي المجروحة الموصل

8-عن الاعضاء
عضو مميز ؟
الاعضاء المميزين و اضحين جدآ

عضو مواضيعه كلش تعجبج؟
كل مواضيع الاعضاء تعجبني

عضو تحسيه قريب منج هوايه؟
العضوة جولي

عضو دلوع؟
لايوجد

عضو متكبر؟
ماكو الاعضاء كلهم يخبلون

عضومرح؟
انت والدليل اسئلتك

عضو مثقف؟
كلهم مثقفين ومشاء الله عليهم

عضو حباب ؟
الاعضاء كلهم حبابين

عضو تضوجين منه؟
ماكو ابد عضو بل منتدى اضوج منه

عضو حزين دائما ؟
ما اعتقد اكو عضو حزين دائمآ الموقع يفرح

9-اكو شخص تكرههاحلى لونا واذا اكو شنو السبب؟
ما اعرف السؤال ما واضح بس حسب ما فهمتا
ماكو شخص اكرها ولا يكرهني
والسبب اكيد اني ما احب اكره احد ولا اخلي احد يكرهني

10_ احلى اسم مستعار بل منتدى
هوايا اسماء مستعارة اكو وكلهم حلوين
تحياتي الج يا وردة
دنووووووو
شكرآ الك ولو الاسئلة جانت شوية صعبة ومابيها اي سؤال ترك ههههه
اشكر تواجدك

تحياتي الك

(ܠܗܢܐ ܐܠܣܐܬܝ)LONA; توقيع العضو

نورا كتب:: مشكورة لونا الغالية على اجوبتج الرائعة
مشكورين اعضاءنا الغالين منورين بأسئلتكم الرائعة

تحياتي لجميع بتوفيق

نورا الساتي

شكرآ الج وردايتي نورا

واشكر جهودج المبذولة في الموقع تحياتي

(ܠܗܢܐ ܐܠܣܐܬܝ)LONA; توقيع العضو

لونا العزيزة تحية من القلب لكِ وسؤالي هو

لو تخرجتي اي اختصاص راح تروحين ؟

هل تكرهين الكذب ؟

تحياتي

نينو

piano player; توقيع العضو

لونا العزيزة تحية من القلب لكِ وسؤالي هو
وتحية الك حبيبي نينو

لو تخرجتي اي اختصاص راح تروحين
انا اتمنى ان ادرس لغات

هل تكرهين الكذب ؟
انا لابس اكره الكذب بل ابغضه
تحياتي
نينو
تحياتي الك مديرنا الغالي اتمنالك الموفقية وشكرآ لك لتواجدك

(ܠܗܢܐ ܐܠܣܐܬܝ)LONA; توقيع العضو

عزيزتي لونا
الكرسي منور بيج
حبيت اسألج بعض الاسئلة واتمنى ان ما اكون راح اثقل عليج

1-ماهي حكمتكِ في الحياة ؟

2- لو كان هناك شخص جرحكي كثيرأ،فماذا تقولين له؟

3-اذا فرض عليكِ الزمان الاغتراب بعيدآ عن العراق الحبيب او العيش به معذبة فماذا ستفعلين؟

4-لو كنتِ يومآ من الايام جالسة لوحدكِ في مكان جميل جدآ،وفجأة تذكرتي انكِ نسيتي موعد انسان عزيز عليكِ فماذا ستفعلين؟

5-لو وعدكِ شخص بشئ ولم يفعله وكان مهمآ، فماذا تقولين له؟

6- اسئلة خفيفة وسريعة:

*لونكِ المفضل؟

*برجكِ؟

*الاكلة المفضلة لديكِ؟

*اللعبة المفضلة؟

*الهواية المفضلة؟

واخيرا اتمنالج الموفقية والحياة السعيدة دائما

محبتكي جولي

جولي; توقيع العضو

عزيزتي لونا
الكرسي منور بيج
حبيت اسألج بعض الاسئلة واتمنى ان ما اكون راح اثقل عليج
شكرآ الج حبيبي

1-ماهي حكمتكِ في الحياة ؟
حكمتي في الحياة هي مقولة رسول الامم الغيور بولس
(اما نحن فلا نجري كمن لا يعرف الهدف ولانصارع كمن يضرب الهواء)

2- لو كان هناك شخص جرحكي كثيرأ،فماذا تقولين له؟
اقول له وبكل تواضع شكرآ واعتقد هذه الكلمة كافية

3-اذا فرض عليكِ الزمان الاغتراب بعيدآ عن العراق الحبيب او العيش به معذبة فماذا ستفعلين؟
هذا اكثر شيء اخشاه من الزمان واكيد سوف اعيش حياتي معذبة بعيد عن الوطن

4-لو كنتِ يومآ من الايام جالسة لوحدكِ في مكان جميل جدآ،وفجأة تذكرتي انكِ نسيتي موعد انسان عزيز عليكِ فماذا ستفعلين؟
فورآ اروووووووووح

5-لو وعدكِ شخص بشئ ولم يفعله وكان مهمآ، فماذا تقولين له؟
اقول له وعد الحر دين

6- اسئلة خفيفة وسريعة:

*لونكِ المفضل؟
الاحمر

*برجكِ؟
الميزان

*الاكلة المفضلة لديكِ؟
هوايا هما بس المفضلة كلش هي برياني الي تطبخه ماما

*اللعبة المفضلة؟
كل العاب البلي ستيشن

*الهواية المفضلة؟
الانترنيت

واخيرا اتمنالج الموفقية والحياة السعيدة دائما
محبتكي جولي
شكرآ الج وردايتي جولي منورة الصفحة بأسئلتج الحلووووووة

(ܠܗܢܐ ܐܠܣܐܬܝ)LONA; توقيع العضو

مشكورة يا غالية عالاجابة

تحياتي

جولي; توقيع العضو

اطيب عصير لا احلى لونا

لونا العزيزة ضيفة كرسي الاعتراف Images-351a7547d5

وهاي قطعة كيك

لونا العزيزة ضيفة كرسي الاعتراف Images-dded9b0eb2

يلا كافي دلال ههههههه

1_ ما معنى اسم LONA؟

2_ عرفبنا عن نفسج ب 3 كلمات؟

3_من هو اعز الناس على كلبج؟

4_لمن تضوجين او تنتقهرين وين تروحين؟

5_بنظرج هل الجمال مهم عند اختيار الحبيب او اي شخص بحياتنا؟

6_من ساعدكي في حياتكي عند ما كنتي بحاجة الى مساعدة؟

7_هل LONA تنقهر وتبكي للعراق ولاهل العراق وللمغتربين وليش؟

8_عندج 500.000 خمسومائه الف يورو فقط لاغير شتسوين بيها؟

9_شنو هو موبايلج وشكد معبا رصيد ؟ ههههههههه

تحياتي الج

Mariam; توقيع العضو

ها لونا اشتردين بعد العصير والكيك ياعيني عليج اكيد جعتي وعطشتي بالعافية عليج
دلال مميز

yona; توقيع العضو

اولآ مشكورة حبيبتي مريومة على الضيافة الحلووووة والي تخبل حيل عجبتني
بس راح تخربين ريجيمي ههههههههه

1_ ما معنى اسم LONA؟
معنه بل الغة اليونانية (قمر)

2_ عرفبنا عن نفسج ب 3 كلمات؟
ايماني احساسي صداقتي

3_من هو اعز الناس على كلبج؟
هما ثنين مو واحد

4_لمن تضوجين او تنتقهرين وين تروحين؟
بأي مكان اكون بيه لوحدي

5_بنظرج هل الجمال مهم عند اختيار الحبيب او اي شخص بحياتنا؟
انا كلش يعنيلي الجمال واحبه كلش بس مو هو الاساس

6_من ساعدكي في حياتكي عند ما كنتي بحاجة الى مساعدة؟
أقاربي

7_هل LONA تنقهر وتبكي للعراق ولاهل العراق وللمغتربين وليش؟
طبعآ ابد ما ينوصف احساسي على اهل العراق الأن الماهجرين يبقون غرباء اشكد ما عاشو بغير وطنهم
الي يبقون بل عراق يبقون معذبين يعني العراقيين اذا هاجرو واذا بقو بل عراق فهما معذبين بل حالتين

8_عندج 500.000 خمسومائه الف يورو فقط لاغير شتسوين بيها؟
طبعآ كلها اصرفها عل ملابس لأن هوايا احب اشتري ملابس

9_شنو هو موبايلج وشكد معبا رصيد ؟ ههههههههه
هههههههههه ماعندي موبايل وما احب الموبايل
شكرآ الج عسولة على هل اسئلة الحلوووووة مثلج

(ܠܗܢܐ ܐܠܣܐܬܝ)LONA; توقيع العضو

yona كتب:

اي شايفة اني دائمآ مدللة بس الله يستر من هذا الدلال الزايد هههههههههههه
مشكورة يونا لردودج الحلوة

(ܠܗܢܐ ܐܠܣܐܬܝ)LONA; توقيع العضو

الله الله عل دلال ايخبل ترى لونا هذا الدلال مو وراه الا اسئلة صعبة ههههههه
فالحكي وما تلحكي بلاسئلة

تحياتي يونا ردود حلوة
وتحياتي ال لونا الغالية
والى مريم على خفة وجمال اسئلتها

تحياتي حبايب

†♥♫ نورا ♫♥†; توقيع العضو

مبين الكرسي حللووو ومرتاحة
اي ليش لا من حقج حبيبي
شويه اسئله انما ايه على الماشى

قبل ما ابدأ قولي نكته مضحكه سمعتيها وبقيتي تضحكينن (يعنى دمها خفيف

1- افضل هديه اتقدمت الك
2- ماهو الشيء اللى بتخليك تموت من الضحك
3- ماهي افكارك المستقبليه للمنتدى
4- ماهو الموقف اللى انحرجتي منه
5- اي الاكلات الي انتي ماتحبيها
6- اول صوره حطيتيها فى المحفظه
7- لو رحتي محل واكلت وعزمت اصحابك بدوري فى جيبك مالكيتي فلوس شلون تتصرفين
8- كم لغة تحجين بيها
9- منو هو مثلك الاعلى وما هو منهجك فى الحياه
10-ماهو المثل اللى تؤمنين به
11-ماهي الايه اللى فى الكتاب المقدس اللى ما ممكن تنسيها
12-لو حرامى هجم عليك وراد اللى فى جيبك ومعاك كثير سوف تعطيه ولا لالا
13-اكتبي تامل لهذه الاية (كيف اصنع هذا الشر العظيم واخطأ الى الله )

انتي تعبتي لو بعد
المهم انج تكونين مرتاحة للاسئلة
ومن تخلصين عود شربي العصير

[/size]

yona; توقيع العضو

مبين الكرسي حللووو ومرتاحة
اي ليش لا من حقج حبيبي
شويه اسئله انما ايه على الماشى
اي مرتاحة كلش بتواجدكم الحلووو يا احلى اعضاء

قبل ما ابدأ قولي نكته مضحكه سمعتيها وبقيتي تضحكينن (يعنى دمها خفيف قال المعلم للتلميذ:الزواحـف هي التي تزحف على الأرض ..التلميذ:إذاً اختي الصغيرة من الزواحـف

1- افضل هديه اتقدمت الك

افضل واجمل هدية هي سلسلة بابا اهداني هي وهي ايقونة لمار كوركيس من ذهب

2- ماهو الشيء اللى بتخليك تموت من الضحك

من واحد يوكع كدامي امووووت من الضحك

3- ماهي افكارك المستقبليه للمنتدى

افكاري كلش هوايا وانشاء الله نشوفها كلنا بل مستقبل القريب

4ماهو الموقف اللى انحرجتي منه

اكثر موقف احرجني جان شخص كلي عيونج حلوة وكدام هوايا ناس وحيل انحرجت منه

5- اي الاكلات الي انتي ماتحبيها

الاكلات الغربية اني ما احبها هوايا

6- اول صوره حطيتيها فى المحفظه

اول صور خليهتا بمحفظتي جانت صورتي ويا صديقاتي من جنا بمخيم كشافة

7- لو رحتي محل واكلت وعزمت اصحابك بدوري فى جيبك مالكيتي فلوس شلون تتصرفي

انطيه فد شي املكه حتى لا انحرج و بعدين ارجع احاسبه هههههههه

8- كم لغة تحجين بيها

طبعآ احجي لغتنا لغة الام (المسيحية) واحجي عربي وهسه دا اتعلم شوية كردي هههههههههه بس اطمح للمستقبل ان احجي اكثر من 3 لغات

9- منو هو مثلك الاعلى وما هو منهجك فى الحياه

مثلي الاعلى هو مار بولص رسول الامم ومنهاجي هو (لاتدين كي لاتدان)

10-ماهو المثل اللى تؤمنين به

لسانك حصانك ان صنته صانك وان خنته خانك

11-ماهي الايه اللى فى الكتاب المقدس اللى ما ممكن تنسيها

اية من انجيل يوحنا 2:16 (سيطردونكم من المجامع بل تجيء ساعة يظن من يقتلكم انه يؤدي فريضتآ لله) هذه الاية دا تتطبق علينا بهذا الايام ما انساها ابدآ

12-لو حرامى هجم عليك وراد اللى فى جيبك ومعاك كثير سوف تعطيه ولا لالا

بصراحة اني اكثر شي اخاف منه هو الحرامي واذا لاسامح الله وصادفني فد حرامي راح انطيه اش ما املك من فلوس او ذهب واخليه يروح

13-اكتبي تامل لهذه الاية (كيف اصنع هذا الشر العظيم واخطأ الى الله )
كيف اخطأ الى ربي وخالقي وهل يقول الخزف لخزافه لماذ صنعتني

انتي تعبتي لو بعد
المهم انج تكونين مرتاحة للاسئلة
ومن تخلصين عود شربي العصير
لا بعد ما تعبت وحتى لو اتعب تعبكم راحة
واني كلش مرتاحة بتواجدكم يا احلى اعضاء
اوكى هسه خلصت ممكن تسمحيلي اشرب العصير واكل الكيكة لأن جعت ههههه
مشكورة يونا الوردة اسعدني تواجدكي

(ܠܗܢܐ ܐܠܣܐܬܝ)LONA; توقيع العضو

شكرا لبي لونا على اجوبتج الصريحة و الحلوة مثلج

Mariam; توقيع العضو

شكرا لونا على سعة صدرك واهتمامك وردك الرائع على الاسئلة بكل صراحة
بس شنو شربتي العصير كوله وماخليتينا شوية
اوكي من تعزميني فد يوم عود لاتنسين المحفظة
تحياتي وتقديري

yona; توقيع العضو

[center]شكرا لونا على سعة صدرك واهتمامك وردك الرائع على الاسئلة بكل صراحة
بس شنو شربتي العصير كوله وماخليتينا شوية
اوكي من تعزميني فد يوم عود لاتنسين المحفظة
تحياتي وتقديري

عزيزتي يونا اني الي اشكرج لتواجدج الاكثر من رائع
اني شربت العصير لأن اني هسه ضيفتكم فا من حقي اشربه ههههههههه
وبنسه لعزومتج فا اكيد ما راح اعزمج بل مطعم حتى انسى المحفظة راح اعزمج ابيتنا المتواضع واخيلج بصدر البيت مثل مايكولون والعتبه النا اذا قبلتي ان تشرفينا عزيزتي
تحياتي لكِ يا غالية

[/center]

(ܠܗܢܐ ܐܠܣܐܬܝ)LONA; توقيع العضو

» المشرفة ( جولي ) ضيفة كرسي الاعتراف
» مرحباً بلعضوة (يونا) ضيفة على كرسي الاعتراف
» Aşkım ضبف كرسي الاعتراف
» قانون كرسي الاعتراف ( المرجو قرأة القانون قبل المشاركة )
» تهنئة خاصة للغالية لونا

لونا العزيزة ضيفة كرسي الاعتراف

لونا العزيزة ضيفة كرسي الاعتراف

مواضيع مماثلة

مواضيع مماثلة