شلون تكول مليتك
وانت الزين تعرف بالكلب بيتك

شلون تكول هاملني
وانه بشريان كلبي الغالي غذيتك

اني المو بحالك تدعيني اليوم
وتحداك اذا فد يوم غثيتك

امنتك دليلي وصرت كلي عيون
وبدل اسمك حبيبي روحي سميتك

كل هذا وتحس ناسيك؟
دكلي شلون تاليتك
شلون تأكدت من عندي انه الناسيك

وانه كل يوم اذوب بنار حنيتك
ماعندك عذر متأكد اني بهاي

بس كون ابدالي تصير ياريتك
حتى اتشوف نار الشوك

الجوتني شلون جاويتك
شكرا وانعم الله عليك
ورغم البيك حبيتك