صبرنا هواي وما ظل للصبر حدود
ننتظر يمر بينا الفرح وهو ما موجود
مختفي صارله سنين بلكت الله يعود
ويرجع الخير لبلدنا مثل ما جان ويزودومنريد نشوف الاحتلال ويوميه واحد ممدود
هذا يموت بقنبله وهذا متعذب ومشدود
ويطلبون من اهله فديه يردون مبلغ ما معدود
ويروح الاب ويدفع الفديه ويكلوله قبل لا توصل هو يعود
ويرجع الاب وكله لهفه بس يريد يشوف ابنه حموود
ويكول لمرته كافي حزن وذبيهه الهدوم السود
بس من وصل شاف أباب بيته لمه والناس كل لحظه اتزود
سأل فد طفل شنو السالفه؟؟ ...جاوبه لا ماكو شي ..بس اكو واحد ممدود
ومن شافه طلع شاب نايم على وجهه ومجرح ومشدود

ومن حرك راس الشاب طلع راس ابنه حموود

تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
‏*** ‏
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
‏*** ‏
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
‏*** ‏
من بعدك أقضي بالحزن يومي يجيني الليل وأتوسد على همومي‏
كل لحظة أفز مرعوبة من نومي جنك مامتت آنه المتت جني
‏*** ‏
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي كبل مااشوف دفنك ياولدي ياريت وبيدك ياشريك الروح تدفني